Jan Pieters Wor

Aantekeningen:

Gedoopt:
den 2 maert gedoopt Jan de vader Pieter Janse Wor de moeder Jannetje van der Poel de getuijgen Stijntje Jans de Groot

Jan getrouwd Ariaantje Mijnlieff op 24 nov 1754 in IJsselmonde,,Zuid-Holland,Nederland. Ariaantje is begraven op 5 apr 1784 in IJsselmonde,,Zuid-Holland,Nederland. [Gezinsblad] [Familiekaart]

1. Pieter Jans Wor is gedoopt op 17 jan 1756 in IJsselmonde,,Zuid-Holland,Nederland.
2. Adrianus Jansen Wor is gedoopt op 4 mrt 1758 in IJsselmonde,,Zuid-Holland,Nederland.
3. Ingetje Jans Wor is gedoopt op 29 sep 1759 in IJsselmonde,,Zuid-Holland,Nederland.
4. Jan Jansen Wor is gedoopt op 7 sep 1761 in IJsselmonde,,Zuid-Holland,Nederland.
5. Petronella Jansen Wor is geboren op 16 dec 1763 in IJsselmonde,,Zuid-Holland,Nederland; is gedoopt op 18 dec 1763 in IJsselmonde,,Zuid-Holland,Nederland.
6. Johanna Jansen Wor is gedoopt op 28 jan 1767 in IJsselmonde,,Zuid-Holland,Nederland.
7. Arij Jans Wor is gedoopt op 25 sep 1768 in IJsselmonde,,Zuid-Holland,Nederland.
8. Adriana Janssen Wor is gedoopt op 31 jan 1770 in IJsselmonde,,Zuid-Holland,Nederland.

Pieter getrouwd Jannigje Jansen van der Poel. Jannigje is begraven op 29 jul 1774 in IJsselmonde,,Zuid-Holland,Nederland. [Gezinsblad] [Familiekaart]

Aantekeningen:

Ondertrouw:
1720
den 2 november zijn bij ons in wettige ondertrouw opgenomen en aangeteekent met
Pieter Janse Wor j.m. woonende tot IJselmonde met
Jannigje Jans van der Poel j.d. van Heerjansdam
bijde behoorende onder de classis pro deo en op zijnen tijd bevestigt

Jan getrouwd Ingetje Joppen op 25 jun 1690 in Dordrecht,,Zuid-Holland,Nederland. [Gezinsblad] [Familiekaart]

Aantekeningen:

Ondertrouw:
Jan Ariense Wor j.m. buyten de Vriesenpoort met
Ingeltie Joppen weduwe van Jan Cornelisse mede aldaer beyde van Dordregt
getrouwt den 25 j uni 1690

Adriaen getrouwd Pietertje Krijnen op 5 mrt 1662 in Sliedrecht,,Zuid-Holland,Nederland. [Gezinsblad] [Familiekaart]

Aantekeningen:

Ondertrouw:
Arien Jansen Wor slenaer j.m. van Dordrecht woonende buyten de Vriesepoort
Pietertje Krijnen j.d. van Slijdrecht woonende buyten de Joorispoort
hebben op den 4en martii lesthien ontfangen van op sliedrecht te trouwen
sijn aldaer getrout op den 5 martii 1662

Aantekeningen:

Begraven:
den 25e een baer in de vriesestraet voor Jan Cornelisse Wor rosmolenaer een nieu gracht tweemael luijens

Jan getrouwd Heyltgen Adriaensdr. Heyltgen is begraven op 22 dec 1658 in Dordrecht,,Zuid-Holland,Nederland. [Gezinsblad] [Familiekaart]

Aantekeningen:

Begraven:
den 22e een baear in de wingertstraet voor de weduwe van Jan Cornelisse Wor, rosmolenaer, twee mael luijens

Cornelis getrouwd Trijnken Reijers. [Gezinsblad] [Familiekaart]

Cornelis getrouwd Aechgen Govertsdr 't Hoogie. Aechgen is gestorven in na 1582. [Gezinsblad] [Familiekaart]

Andere gebeurtenissen:

• Beroep: 1521, Dordrecht,,Zuid-Holland,Nederland; gezworen reetrekker
• Beroep: 1543, Dordrecht,,Zuid-Holland,Nederland; metselaar

Aantekeningen:

Alzoe zekere questie en geschillenn geresen zijn voer den goede luyden van den gerechte in der amere van
Dordrecht tusschen Jan van Driel Pieters zoen uuy onsen ouden raede an d’ een zide ende meester Gherit Boegaert
lirentiaet in den rechten an d’ ander zide Doende ende ter cause van een privaet gelegen ende dienende tot
hoerre beyder huyssen staende an malkanderen an die poertside bij die Vijffthbrugge tusschen des
voerscreven Jan van Driel Pieters zoens huys an die een zide ende desselfs meester Gheerit Boegaerts huys
an die ander zijde Soe zijn die gezworen reetreckers namelicken Jan Florisz., Adriaen Jansz., Cornelis
Wor Jansz. ende Herman Wor Aerts zoen eerst op ‘t werck geweest ende ‘t selfde gesien ende die partyen
voerscreven int lange gehoert hebben begheert een scepenen reede daer toe dat bider camere geordineert
zijn Schiltman Jacobs zoen, Aert Jonge Adriaensz. ende Pieter Schoeck Willemsz. ende als scepenen om mitten
gezworen reedetreckers die gebreken ende geschillen te doersien ende partyen rechtelicken te scheyden ende
nae dat scepenen ende reedetreckers voers. die gelegentheit ende alle kennisse van desen daersien hebben
soe wordt opten tweeendetwintichsten dach in junio in den jaer vijftienhonderteenendetwintich
van hem inder camere bij advyse van den borgermeester, scepenen ende raeden voirs. een scepenen reede ende
zachtelicke scheidinge op die voerscreven geschillen gedaen in deser manieren hier nae volgende
Te weten dat meester Gheerit Boegaert voers. gehouden sal wesen tot laste ende coste van sijnen huysse
voirs. altijt alst van noode sal wesen die voern. privaet op te doen breken de schie privaet
schoen te doen maken ende weder toe te doen stetten ende die vulnisse ende onreynicheit op sijn crue
te besteden ende allen anderen costen diemen andere schie privaet tot eeniger tijt zoe wel boven
der aerden als beneden der aerden sal moeten doen ende oick allen die costen die nu gedaen sijn sullen
wesen tot laste ende coste van beyden di ehuyssen voerscreven halff ende halff ende sullen mitsdesen
partyen de voerseide privaet t’ samen gebruycken in alre manieren als deselve partyen hier voertijs
ende eer dit geschille geresen is gebruyckt hebben ende dit totter tijt toe dat yemont van de
voersceide partyen scepenen ende raeden eenisch beter bescheit gethoent sal hebben dan scepenen
ende raeden tot noch toe gesien ende gehoert hebben ende dit wordt bevolen iin de stede regyster te teyckenen.


Wij Maerten Screvel Dircxz., Jacob Oem Heenen Jacopsz.,
ende Pieter Muys Jacopsz., scepenen in Dordrecht oercomen
ende kennen dat voir ons quam Cornelis Wor Jansz.,
metselaer, ende bekende dat hij vercocht heeft
Neeltgen Vastert Willemsz. wedue, die houdertse es
van des brieve, een geheel huys ende erve met
allen sijnen toebehoeren staende ande oversijde
op de vogelmerct op de havensijde tussen
heer Wouter Pieter Staesz. huys aen d'een sijde
ende Jorden, die barbers huys, aen d'ander sijde ende dat
hem hier of betaelt es den eersten penning metten
lesten, hier bij zoe geloefden hij haer dit voers.
huys ende erve te waeren ende te vrijen staende op
XVI zijnsgulden ende vijff stuivers 's jaers losrenten
als een vrij goet van allen some ende authalen
in oirconden desen brieve gegeven op ten VIen
novembers anno XVC XLIII.

Andere gebeurtenissen:

• Beroep: 1504,1505, 1516, Dordrecht,,Zuid-Holland,Nederland; gezworen reetrecker

Aantekeningen:

Int jair LXXIII opten twaelfsten dach in Augusto quamen in der camer van den burghermeyster
ende goeden luyden van den gerecht meester Pieter Govertsz. dartoe in mede.. ende Jan Wor Jacoopsz[oen]
ende bekenden aldair van der mueren tusschen huerre beyder huysen soe meester Pieter die alleen
heeft becosticht ende geleyt is op Jans voirs[egde] erve hoe sall die muer voirs[egd] hem beyden
voirn[oemd] halff en[de] halff toebehoren ende sullen die gemeen gebruycken van meesters Pieters voirn[oemd]
stenen camer off streckende tot voir an die straete toe ende dit wort bevolen in der stede register
te teykenen.


In’t jair XVC ende vier opten VIIIen dach in Junio, quamen Claes Roelofsz., Jan Wor Jacopsz.,
gesworen retreckers, heer Cornelis Socfrersz., p[ri]ester, en[de] Govert Willemsz. die houthaker
in die camer voer scepen[en] Pieter Hugensz., Aert Jong Adriaensz. en[de] Adriaen van Eemskerck
Tielmansz., ende bekenden aldaer en[de] affirmeerden te weten heer Cornelis voirs[egd] bij sijn p[ri]esterscap
en[de] die ander elcx bij hae[re]n eedt, hoe dat sij tot anderen tijden t’ samen daer bij an ende over
geweest sijn daer Damas Danielsz. in den hout gegont en[de] geconsenteert heeft, Pieter Zymo[n]sz.
die houtaker uut vrientscappe en[de] van goeder buerscappe en[de] nyet om enich gelt off gifte
daeroff te neme[n], als dat hij in die immer van den huyse van Damas voirs[egd] leggen sal moge[n]
twee balcken off drie een halve steen in die selve muer ende niet dieper en[de] dat eerlicke
en[de] galicke wederom doen stoppen sonder hem scade te doen met voirwair den ondersproken
dat Pieter Zymo[n]sz. voirs[egd] en[de] zijn nacomelingen uut desen tot ghenen tijden enich toeseggen
tottie selve muer hebben noch p[re]tenderen sulle[n] moge[n] alsoe die Damas voirs[egd] alleen toebehoert
ende dit wordt bevolen in der stede register te teykenen.


In’t jair XVC ende vijff opten XXIIen dach in decembri wort bevolen bij der camer dese nae gescreven
edalle hier in te teykenen, alzoe questie ende geschille geresen sijn tuschen Pieter Hughenz. om die een zijde ende
Barthout Dircxz. an die ander zijde roerende van alsulcken waer drop als dat huys genoemt Henegouwen Barthout
Dircxz. voirs[creven] toebehorende gehadt heeft op die keur after den huysse genoemt Roedenborch toebehorende
Pieter Huygenz. voirs[creven] wair off sij hem selven an beyden sijden gesubnuteert hebben an Claes Roeloffsz., Jan Wor
Jacopsz., Jacop van Nesch Willemsz. ende Jacop Claesz. als gesworen redetreckers, ende voirt an Jan van Overstege
Bastiaensz. ende Jacop Boll heeren Jansz., bijden goeden luyden van den gerechte dairtoe gecommiteert om dairbij van
hairen voirs[creven] geschillen vereffent te mogen worden ende geloeft te all ‘t gheen te aftervolgen dat bij hem op die voirs[creven]
geschillen uuytgesproken sall worden op die verbonnisse van vijff ende twintich gouden nubeley te gaen een dordendell
tot sheeren behoeff een dordendeell totter Groete Kerck behoeff ende een dordendeell totten redetreckers behoeff. Soe is
aftervolgende desen bij den voirn[oemde] Jan van Overstege Bastiaensz., Jacop Boll heeren Jansz. ende die voirs. redetreckers opten XVen
dach in Octobri int jair XVC ende vijff een uutspraeck gedaen opte voirs. geschillen in deser manieren hier nae volgende
weten dat men een gock leggen an die zijdellmuer ende oeffen drop van Henegouwen over die voirs. love ende die vestighen in
die muer van Hendegouwen die begraven sall van die aftergevell van Roedenborch ende halven steen ghevesticht in die selve gevelt
streckende doir die gevell van den bonker staende after Rodenborch des soe en sall dat loot van der goete nyet vorder strecken
dan totten binnencant van der gevell toe ende sullen Pieter Hugenz. ende Barthout Dircxz. die costen van der voirs. goete
metten loot tottergevell toe voirs. betalen halff ende halff ende die selve goete met malkanderen onderhouden ende die repareren
als sij van ouderdom vergaen is ende sall Barthout Dircxz. voirn[oemd] gehouden wesen dat waer uuy die voirs. goete te leyden
tot sijnen coste op sijnen selfs erve ende sullen dese voirs. goete van stonden aen doen maken sonder enich langer vertreck
Item soe sullen alle gemaeckte werken die leggen on die muer van Henegouwen .. gelijck die nu sijn … sall Pieter
Hugenz. mogen timmeren nu sie selve meuer ende vestigen daer an niet clauwieren off hoffvasten soude in die muer vorder
te breken ende sall oeck Pieter Hugensz. sijn flyering van der loostse mogen nvestighen in die voirs. muer van den
spijken ende halve steen diep. Item sall Barthout Dircxz. gehouden wesen op sijn dach van Henegouwen
voirn. die vors. goete te leggen waervorden twee hoech dattet snee van den huysse van Henegouwen nyet en valt
in die goete ende dit op zijnen selffs costen. Item soe sullen Pieter Hugenz. ende Barthout Dircxz. aen een heynningen muer
tuschen Henegouwen ende Rodenborch ende haer beyder erven boven den kellnair doen maken ende die met malkandren
betalen half ende halff. Item sall Barthout Dirckz. gehouden nwesen nden selver boven den kellennair
van Roedenborch te doen maken dobbelt met plancken off met steen als behoirt ende dat tuschen dit ende
Sint Andries dach naestcomende.


Int jair XVC endesestiene opten Xen dach in aprili, soe compareerden voir den goede luyden
van de gerechte in der camer van Dordrecht, Cornelis Cornelissen, tresorier der stede van Dordrecht
voirnoemt die rechtelycke hadde doen roepen Aert Pieter Huygenz zoon ende oick die re-
treckers namelijcken Jan Wors Jacopsz., Jacob van Nes Willemsz., Jan Florissen ende Herman Wor Aertsz.
ende begheerde van hem verclaert te hebben bij haren eede oft zij t’ anderen tijden die raede getogen
ende gewesen hadden navolgende der cedullen hier nae gescr[even]. Opten XVIIen dach in septemberi
anno XVC endeelff soe hebben Jan Wors Jacobsz. die metzelaer, Jacob Cleissen de metselaeir
binnen der stede van Dordrecht rechtelycke gescheiden ende gewesen tusschen Pieter Huygen zoen
an d’een zijde ende Cornelis Cornelissen an d’ander zijde in desen manieren hie nae gescr[even],
te weeten als dat Cornelis voirn[oem]t die nyeuwe muyer voir in sijn huys strycken ende
leggen sal op sijn selffs cost den geheelen steen op sijn erff ende den halven steen op Pieter
Huygensz. erff behoudelycken dat Cornelis Pieter gonnen zal nu bij gebruech dat die oude
stantbyncken die nu ter tijt in die oude muyer staen zullen beneden saen halve nyeuwer steen comen
op Pieters erff ende boven onder den nedersten selver te niet gaen ende sullen soe .. staen totter
tijt toe dat Pieter voirs. tymert oft datse van ouderdom zullen vergaen ende niet langer ende en sal
houwen ten zij dat hij desen halven steen van Cornelis coopt ende zijn gemoede dair off heeft
noch zoe hebben die selve reetreckers voirs. rechtelycke gewesen dat die oude muyer die afster
an dese nyeuwe muyer totter hairen toestrect Cornelis alleen toebehoort ende geheel op sijn erff
staet maer den halven steen die an dese achtermuyer staet die staet op Pieters Huygensz.
erff niet hoert den voirn. Cornelis toe ende en zal Pieter voirs. den halven steen oick niet
mogen roeren noch betymmeren oft eyt dair in zetten houwen offt gebruycken ten zij bij coope oft
bij gemoede van Cornelis voirs. oft zijnen erffgenamen. Welcke cedulle voirs. alsoe
in den cameren hemluyden gelesen zijndt hebben gekent ende bij haren eede verclaert all ‘t seve
bij hem soe gweesen ende geschieet te sijne ende dit wert bevolen aldus in den stede register
te teyckenen.

Andere gebeurtenissen:

• Beroep: 1429,1445,1450, Dordrecht,,Zuid-Holland,Nederland; metselaar
• Beroep: 1475, Dordrecht,,Zuid-Holland,Nederland; gezworen reetrekker

Aantekeningen:

In’t jair LXIX opten lesten dach in Julio, so wordt by den burg[en]meyster en[de] guede[n] lude[n] van den gerechte ende achte[r] in der camer
bevolen, Jacop Wor Airnte soen te iegie[re]n en[de] te bewa[r]en Ermgerts sijne dochter guode hen stede te stutten en[de] onban te
doen te beropen oft van noede wair stulde[n] te mane[n] en[de] te enfange[n] recht dair of te geve[n] en[de] te neme[n] also scepen[en] kenlic
was gemaect dat Ermgert vonsen op dese tijt haere zynne[n] niet wel machtich en was in hae[re]n iegmie[n]t dat sij een
wijl tijts hair jegiert en hadde en[de] dit wort Jacop Wors te doen tot der stede widersegge[n] en[de] hier in te teykene[n]


Int jair voirscr[even] opten XXIXen dach in Marcio wort bij den schout Dirc Thmeysten scepen[en] en[de] … geoorloft
en[de] geconsenteert Jacop Wor Aertszoe[n], Ermgaert sijnre dochter goede[n], soe sij cennik van sinne[n] is, te
beware[n] en[de] te iegiere[n], te roepe[n] en[de] vercoepe[n] bij hare[n] naesten vriende[n] tot hare[n] .. en[de] p[ro]fijt en[de]
dit wort bevole[n] in de stede register te teykene[n].


Int jair LXXV opten twaelfsten dach in Aprille is een vorspraeck gegeven in die camer
bij den goeden luyden van den gerecht van der raede die mit recht getoge[n] wort, bij scepenen
ende raet, als meester Jan Boem Pieter Hen[rick] … en[de] Damas Jacopsz[oen] en[de] bij den
gezwore[n] retreckers namelike[n] Jacop Wor Aertsz., Doe Paeterszoe[n], Bouwen Aertszoen
en[de] Claes Roelofszo[en] tusschen Coenen Jan Jacobzoe[n] an die een zijde en[de] Jacob Heynnrix
zoen an d’andr zijde, tusschen huere beyder huyssen staende an malcandren opten houck
van den Hoppenbierstegaert in deser manieren te meten weten dat Coenen Jan voirn[oemd]
te recht staet ende den voirs[egde] Jacop niet so nu en is ende die gelijx staet Jacob voirs[egd]
sijn huys oick t3 recht .. gezet dat hij sal doen ruymen die looze balck die hij
in Coenen Jans muer heeft doen steken int afterhuys ende voirt soe sal Jacob voirs.
ruyminge doen van alsulcken oversteck als hij onder sijn opzen over gesteken heeft
ende dese overstekinge sal hij ruymen als Coenen Jan Voirs. .. .. … ende
dat wordt bevolen in die stede register te teykenen.